بالفيديو والصور جريمة بشعة : أبوي واخوي قتلوني:تفاصيل
وكالة المرفأ:
أبوي واخوي قتلوني:
حملوني في نص اليل ورموني من الطابق الثالث
نزلوا يتأكدوا اذا متت اكتشفوا انه بعده في عندي روح (مكنتش بوضع اقدر امثل اني متت عشان ما يقتلوني مره ثانيه)
حملوني كمان مره لفوق خنقني اخوي وبعدها رموني كمان مره عشان جريمتهم تبان (اني انتحرت)
بس الكاميرات كشفت عورتهم وإجرامهم مش عورتي وشرفي…
لما نقتلت أية مصاروة حُزننا وغضبنا كان من نوع غير (كُنا وقتها ضحية فقط)!!
أما قتلي نحن الضحية وبنفس الوقت القتله,
سوف تزعلوا مرتين: علّي , وعلى تخلُفنا وعلى عاداتنا
وع ذكوريتنا وحقارتنا..
أنا سوار قبلاوي
عمري 20 عاماً
لروحي السلام 🕊
#قُتلت
#لويرجعالزمن
#سوار_قبلاوي
الخبر بالتفصيل
كشفت الشرطة التركية عن جريمة قتل الطالبة #سوار_قبلاوي
الصبية المغتربة بتركيا ، ما بعرف شو هالجرم الي ارتكبتوا بس الواضح هي الوحشية الي بالفيديو ..
زتوها من علو طبقات وبعدها نزلو عرفوا انها ما ماتت رجعو جروها وقتلوها بالبيت ..
الحكي عم بدور عن اخوها وابوها..
شو الذنب الي عملتو انا ما بعرف ولا بهمني اعرف ..
بس بهمني انو اشباه البشر هدول يرتمو بالحبس ويطبق عليهن قانون الذهاب بلا عودة ..
البشع بالموضوع انها مغتربة بتنقتل على ايدين ناسها واهلها ..
لدقيقة حسيت سيناريو قصة اية مصاروي عم بنعاد من جديد ..
بس لا !!..اية اهلها حبوها دعموها تمنوا تعيش مبسوطة..
سوار حطموها كسروها وتمنوا موتها ..
هاي القصة موجودة بكل بيت بس احنا الي مغمضين عيونا ومنسكت وما منحكي، كل الي منعملو منستنى الموت مش اكتر..
