اسباب وعلاج تاخر النطق عند الاطفال

 اسباب وعلاج تاخر النطق عند الاطفال 😱😱 … موضوع مهم جدا 😱😱… اعمل شير بسرعه …

– يا دكتور ابني مبينطقش ومتاخر في الكلام ومبيقولش كلمتين علي بعض … اشمعني الواد فيزو ابن اختي زيزي بيتكلم زي البرابند وبيقول كلام كتير وبيرغي … الا ابني انا يا دكتور خيبته بلويبه 😭😭😭 … ياستي بلويبه ايه بس 😂😂😂 اهدي شويه وقوليلي عمره اد ايه … عمره 8 شهور يا دكتور ولسه مبيردش عليا 😰😰😭😭 … وله يا فوزي رد عليه يله … ياستي حرام عليكي ده فوزي عمره 8 شهور هيرد عليكي ازاي بس 😂😂😂 يا ستي سيبي فوزي في حاله … وانا هفهمك الموضوع ..

– الاول ايه هو تاخر النطق عند الاطفال🤗🤗 ؟؟ وامتي نحكم عليه 🤔🤔؟؟

– الاول لازم نفرق بين تاخر النطق عند الاطفال وبين التاخر العقلي يعني الطفل مش بس مبينطقش لا ده متاخر في الاستيعاب والنطق والفهم والاستجابه …

-انما تاخر النطق ده معناه ان الطفل يوصل 18 شهر يعني سنه ونصف وكمان خلي بالك يكون بيفهم كويس وظهرت عنده مهارات اللعب والتفكير والمهارات الاجتماعيه يعني يلعب مع الاطفال التانيين ويسمع كلامك يفهمك وتقوله روح هات الحاجه الفلانيه يجيبها ورغم ده كله مبينطقش كلمات ليها معني …

– ومنقدرش نحلف عليه انه فعلا الموضوع مش عادي ولازم ندور وراه الا لما يتم 30 شهر يعني سنتين ونصف😳😳 … هنا بقي لازم ندور لما يوصل الطفل سنتين ونصف وبيفهم وبيتفاعل وبيستجيب للاوامر ومبينطقش ولا كلمه ذات معني 😰😰….

– انما لو الطفل وصل سنه ونصف ومبيركزش معاك بعينه ومبينتبهش ومبيتفاعلش يبقي كده تاخر عقلي وده موضوع تاني اكتر بكتير😭😭😭 …

طيب يا دكتور😄😄 …. كده طمنتني شويه طيب قولي بقه لو ده حصل يبقي سببه ايه 😢😢😢؟؟

في اسباب كتير منها حاجات بسيطه وحاجات معقده زي مثلا❓⛿❓❔ :

1- 🔷ان الطفل يكون محدش بيتكلم قدامه كتير ومحدش بيكلمه وعلطول بيتفرج علي التلفزيون وبيسمع من طرف واحد ومحدش بيطلب منه تفاعل فبالتالي مفيش حاجه تشجعه علي الكلام فبيتاخر وده اهم سبب منتشر … وطبعا الامهات مبتصدق ترتاح من الشيطان الصغير 😂😂 ومفيش احسن من التلفزيون يشغله😲😲😲…

2- 🔶لخبطه اللغات … يعني مثلا يكون الطفل ابوه عربي وامه اجنبيه وبيتكلموا قدامه بكذا لغه او بيتفرج علي كارتون اجنبي لفترات طويله مثلا هنا الطفل هيتاخر في الكلام نتيجه انه متلخبط بين اللغتين وان نفس الحاجه هيكون ليها اكتر من اسم … 🤔🤔شفت ربنا يا اخي علشان تعرف انك لما تسيب المصريه الاصيله وتروح للروسيه ربنا هيطلعه علي عيالك 😂😂😂.. سيب الروسيه وخليك مع المصريه 😂😂😂

3- 🔷الاسباب النفسيه زي تخويف الطفل باستمرار او الذهاب للحضانه بدري جدا والبعد عن الام بدري او الخوف والكسوف الاجتماعي … ودي اسباب مهمه ولازم نحترمها🙄🙄 .. وسيبك من كلام طنط فكيهه ان الواد كبر وبقي عنده 9 شهور ولازم نسيبه يعتمد علي نفسه ويتهرس وسط العيال علشان يطلع راحل … طب ما تضربيه بالنار احسن 😂😂😂

4- 🔶التهتهه او التلعثم ودي اسبابها ممكن تكون نفسيه زي برضو تخويف الطفل او عدم وجود صحاب ليه والمشاكل الاجتماعيه مثل موت احد الابوين او معامله الطفل معامله وحشه 😲😲… وصدقني انك تحل المشكله بانك تضربه علي دماغه جامد وتقوله متنطق عدل يله مش هيحلها ده هيفقده النظر كمان 😂😂😂😂 … الهي تنشك في ايدك ياللي بتضرب اي طفل 😂😂😂

5- 🔷اللسان المربوط ودي مشكله جراحيه المفروض تكتشف بدري مع ولاده الطفل بواسطه طبيب الاطفال المستقبل للطفل عند الولاده لان التاخر في حلها بيسبب مشكلات في الرضاعه او النمو او في الكلام … وعلي فكره المشكله دي منتشره جدا… وحلها سهل جدا 👻👻 ايه انت فهمت ايه لا طبعا مش انك تقطع الحته اللازقه بالموس لا توديه لدكتور جراح 😂😂😂😂

6- 🔶بعض الامراض النفسيه واشهرهم التوحد وده شرحناه بالتفصيل في بوست سابق .. ويارب يقف جنب الاطفال دول واهلهم لانهم فعلا بيعانوا ….😥😥😥😥

7-🔷 ضعف السمع وده هام جدا … ولو ضعف السمع شديد ممكن يسبب التاخر العقلي كمان للطفل ولازم لو لاحظنا ان الطفل مبينتبهش للاصوات ندور ورا الموضوع ومنسكتش لان الموضوع ده مهم جدا لدرجه ان في الدول المحترمه فحص السمع بيكون روتين زي التطعيمات الاجباريه كده للاطفال حديثي الولاده لان اثاره بتكون مدمره علي الطفل😱😱😱 لو اكتشف متاخر… بس ده مش معناه انك تضرب هون جنب ودن الواد كل شويه وتسوره وتجيبله انهيار عصبي علشان تتاكد انه بيسمع خلاص والله بيسمع وانطرش كمان 😂😂😂😂

8- 🔶حساسيه الانف واللحميه وانسداد الانف الدائم ونوبات حساسبه الصدر المتكرره او اي مرض مزمن مبيتعالجش كويس ….🤗🤗🤗

9- 🔷مشاكل الفم والاسنان والاحبال الصوتيه والحلق المشقوق او الشفه الارنبيه والحاجات دي كلها جراحيه ولازم تصحيها بدري😎😎 ….

يا نهار ابيض يا دكتور ده الموضوع طلع كبير اوي طيب انت قلقتني قولي بسرعه ازاي اقدر احمي ابني من تاخر النطق واتصرف ازاي ..😱😱😱…. متقلقيش انا هقولك تعملي ايه

1- 🔵نمنع عن الطفل القعده بالساعات قدام التلفزيون او انه يتفرج علي اليوتيوب علي التاب بالساعات ونخليه يلعب ويجري مع اخواته او مع اصحابه او عيال قرايبه … ومعلش نتنازل شويه ونتحمل الحوادث والبلاوي اللي هيعملوها 😃😃😃

2- 🔴نوديه حضانه في سن مناسب ولا بدري اوي عند سن سنه مثلا ولا متاخر اوي عند سن 6 سنوات مثلا احسن سن للحضانه من اول 3 سنوات فما فوق .. ونديله فرصه يكون صداقات ويتفاعل مع اطفال تانيين … بس بلاش علي حكشه وسيد بريمه😂😂 .. نحاول نشوف عيال نضيفه شويه 😂😂😂

3- 🔵مهم جدا اننا نتكلم بوضوح قدام الطفل ومنغيرش الكلام او نتريق علي طريقه نطقه او نكلمه كطفل صغير .. لا لازم نكلمه بوضوح اكنه شخص كبير بكلام واضح وحروف كامله … وبلاش بقه الاستظراف ونقعد نلوي الكلام بالطريقه المستفزه اياها 😂😂 بابا تاته انتي كميله واموله ؟؟ ياعم والله انت كبير مش طفل وهو مش فاهم منك حاجه 😂😂😂

4- 🔴نبعد عن العنف في تربيه الطفل وياريت تركني الشبشب شويه ونستخدم الطرق المناسبه في عقاب الاطفال بعيد عن الضرب المبرح والتوعد … وكمان لو الطفل بيخاف من حاجه لازم نساعده يواجهها ونوضحله انها مبتخوفش ولا حاجه وبلاش نزرع فيه الخوف ونحكيله حكاوي خايبه زي ابورجل مسلوخه او الحقنه اللي قد البرميل او امنا الغوله 😂😂😂

5- 🔵 التهتهه الزايده محتاجه تدخل نفسي عند دكتور نفسي اطفال وتخاطب لان التاخر في الموضوع ده بيخليه يسوء جدا … لازم حل سريع وتدخل اسرع …😥😥😥😥

6-🔴 حل مشكله اللسان المربوط اننا نعمل الجراحه في اسرع وقت وياريت يحضر ولاده الطفل دكتور اطفال متخصص لانه هيكتشف اي مشكله في الطفل بدري وده موضوع مهم جدا رغم انه مهمل في كتير من الاوقات …🤗🤗

7- 🔵الانتباه لموضوع ضعف السمع ولو حسينا ان الطفل مش بينتبه للاصوات نوديه لدكتور متخصص سمعيات او انف واذن …🤗🤗🤗

8- 🔴علاج الامراض النفسيه والامراض العضويه زي حساسبه الانف واللحميه …😁😁😁

9-🔵 نساعد الطفل انه يكتسب لغه وده ليه طرق كتير زي

– اننا ننبهه للاصوات المختلفه زي جرس الباب مثلا ونخليه يجربه🕭🕭 ونجيبله العاب تعمل صوت زي مثلا عربيه البوليس او اصوات حيوانات زي القطه🐈🐈 والبطه🐣🐣

– نلعب مع الطفل بحاجه ونقلد صوتها زي مثلا نحرك قطار🚈🚈 ونقول توت توت ونشجعه علي الكلام باننا نتكلم معاه ونقوله مثلا قول لبابا باي وقول لعمو شكرا 😍😍

– ناديه دايما باسمه واساله علي حاجات واطلب منه يجيبها او قوله فين احمد او يوسف مثلا😍😍😍

– وريه صور الحيوانات🐩🐕🐶🦄🐐🐪 مثلا والالوان ونقوله اساميهم وبعدين نساله ايه ده وده لون ايه؟؟

ويارب نكون فيدناكم