حكتلي جوزك “خاارووف الك” شو رأيكم؟
المرفأ.زوجي العزيز..
مستحيل يقعد الا يا ايدو ع كتفي او ع خصري قدام مين ما كان
بيحضني قدام الكل وبيبوسني
اهلي اهلو صحباتي ما بتفرق معو
ازا بتزانخ عليه وبقلو تعبانة ونحنا عم نمشي بيحملني للبيت ( طبعا بحارات والوقت بيكون متأخر )
اي شي بدي اياه ازا بدبلو بعيوني شوي بيوافق عليه طبعا ازا حسيتو ما بدوو انا من حالي بلغي الموضوع مشان ما يزعل
فيكم تحكو بحبو كتيييير ومتفاهمين وهالشي واضح للكل
يلي بدي اخد رأيكم فيه هالموقف
اجت لعندي صاحبتي بدون موعد وكنت كتييير تعبانة وهو عندي ما طلع ع شغلو
قام قعدت هي عندي وهو عمللنا قهوة بما انو مرتو مريضة
ف هي حكتلي جوزك ( خاارووف الك )
حزت ببالي الكلمة وكتير عم فكر فيها ما بدي اي حدا ينظرلو هيك بما انو بس بيحبني بهالطريقة
معقوول الزلمة يلي بيظهر الحب لمرتو قدام الكل وبيساعدها ازا مريضة يكون خاروف ؟؟
انا بعشق هالشي فيه يعني بالمقابل انا كمان بعمل ه الحركات معو قدام الكل عادي يعني مو دالق حالو عليي
شو رأيكم