بدي حل لانو تعبت” .. انا مريضة صرف !!

المرفأ.مرحبا.
بدي اعترف اني مريضه مصاري.
gold digger و طماعه و كلشي الو دخل بالفلوس.
من وانا صغيره، بحب المصاري كلشي فيو فلوس بحبو
بحب العيد عشان فيه فلوس اصلا.
ووصار عندي زي مرض كل ما يعجبني شيء اخدو.
حتى لو مادفعت حقو بس باخدو.
اولها كنت اخاف وما انام الليل
بس هلا بطلت تفرق عندي
باخد شو ما يعجبني من اي مكان وما حد بحس
مع انو اهلي ناس وضعهم منيح ومش ناقصنا فلوس ولا لبس ولاشي، و عايشه احسن عيشه
و مابعرف ليه هيك عم بعمل
يا حماعه انا هلا صار عمري ٢٢ و كل همي المصاري.
بشتغل شغلين بس فلوسي مافيهم بركه
يستلم الراتب من هون وبطير من هون
ومش بس بحب اجمع بحب اصرف اكتر ما بحب اجمع مصاري
بحب اشتري الغالي والرخيص و ما بخلي شي بنفسي الا بجربو
بدي حل لانو تعبت
لا تحكولي صلي وصومي انا مابقطع فرض و بصوم نوافل كلها، بس العاده هاي مش قادره اتركها”