لحظات فارقة بقلم:نور علي

المرفأ….كنت بسمع الكلمة دى كتير بس مكنتش فاهمة معناها لحد ما عيشتها بنفسى لما كنت بعمل عملية من كام يوم وقت ما ندهوا على أسمى وقالوا جهزوا الحالة وقتها حسيت احساس لما بينادوا على الميت وبعدها بيجهزوا الجثة بعدها جه التمريض واخدونى على غرفة العمليات واهلى ماشيين ورايا كأنوا مشهد الجنازة والاهل بيودعوك وماشيين ورايا وعند وصولولى العمليات هنا دخلت لوحدى والأهل بره زى بالظبط ما بنوصل القبر والأهل بيقفوا قدامه ومن وقت ما اخدت المخدر لحد ما فوقت وانا مع الاموات الفرق بينا هو النفس كمان أنا جثة لا حول لها ولا قوة ايه بيحصل ليا لا اعلم بيتقطع فيك ايه وبيتخيط ايه لا اعلم ولا حتى الاهل زى بالظبط القبر انت بتتحاسب لكن بيحصل لك فيه ايه الأهل لا تعلم ومن بعد ما فوقت وقتها بس ادركت كل هذه الحقائق ومن هنا كانت اللحظات الفارقة من بعدها فرق فى حياتى امور كتير وأشخاص اكتر وحتى أنا تغيرت وتغير بداخلى اشياء كثيرة فعلاً أنها لحظات فارقة اللهم احسن خاتمتنا جميعا اللهم امين