ليه الجواز مش زي ما تخيلناه؟ بقلم :زينب محمود لايف كوتش علاقات 

 

المرفأ- من وإحنا صغيرين، بنتربى على صورة حالمة للجواز. أفلام، مسلسلات، حكايات، وأغاني كلها بتصدر لنا فكرة إن الجواز هو النهاية السعيدة لكل قصة حب، وإن بمجرد ما ييجي اليوم المنتظر ونلبس الفستان الأبيض أو البدلة الأنيقة، هتختفي كل المشكلات ونعيش في سعادة دائمة.

 

لكن الحقيقة مختلفة.

 

الجواز مش لحظة فستان أبيض وخلاص، ومش قصة “فارس على حصان أبيض” هييجي يحقق كل أحلامك ويصلح كل ما ينقصك. الجواز حياة كاملة، فيها تفاصيل يومية كتير، وفيها مسؤوليات وقرارات وتحديات يمكن ما نكونش متخيلين حجمها قبل ما نعيشها.

 

كثير من الناس بيدخلوا الحياة الزوجية وهم متوقعين إن الطرف الآخر هيكون مصدر السعادة المطلقة، وهيشيل عنهم الضغوط والأحزان، ويعوض كل النقص اللي جواهم. لكن مع الوقت بيكتشفوا إن الإنسان مهما كان رائعًا، مش قادر يؤدي الدور ده كله.

 

الحقيقة إن شريك الحياة مش مسؤول عن إصلاح كل جروحك، ولا عن تحقيق كل أحلامك، ولا عن إزالة كل همومك. هو إنسان عنده هو كمان مخاوفه وأحلامه ونقاط ضعفه وأيامه الصعبة.

 

ولا هي عروسة مثالية لا تخطئ، ولا هو بطل خارق لا يتعب.

 

هما اتنين بشر.

 

كل واحد فيهم جاي من بيئة مختلفة، وتربية مختلفة، وعادات مختلفة، وحتى طريقة تفكيره في الحياة مختلفة. وعلشان كده، طبيعي جدًا تحصل اختلافات، وطبيعي يحصل سوء فهم أحيانًا، وطبيعي تمر العلاقة بمراحل قوة وضعف.

 

المشكلة الحقيقية مش في وجود الاختلاف، لكن في طريقة التعامل معاه.

 

النجاح الحقيقي في الجواز مش إننا نلاقي الشخص الكامل، لأن الكمال مش موجود أصلًا. النجاح الحقيقي إننا نتعلم نفهم بعض، ونحترم اختلافات بعض، ونعرف إزاي نحتوي بعض وقت التعب والضغط.

 

الجواز الناجح مش علاقة خالية من المشكلات، لكنه علاقة فيها طرفان عندهما الرغبة في الاستمرار رغم المشكلات.

 

فيه ناس بتقضي سنوات طويلة تبحث عن الشريك المثالي، ولما تتزوج تصطدم بالواقع. بينما فيه أزواج عاديون جدًا، لكنهم استطاعوا بناء علاقة قوية لأنهم فهموا أن الحب وحده لا يكفي، وأن التفاهم والاحترام والصبر وتحمل المسؤولية هي الأساس الحقيقي لاستمرار أي علاقة.

 

كلما زادت توقعاتنا الخيالية، زادت خيبات الأمل. وكلما اقتربنا من الواقع وفهمنا طبيعة الحياة الزوجية، أصبحنا أكثر قدرة على الاستمتاع بها والتعامل مع تحدياتها.

 

لما نبطل ندور على “الحلم المثالي”، ونبدأ نبني “علاقة حقيقية”، هنكتشف إن أجمل ما في الجواز مش الكمال، لكنه الأمان. ومش الصورة المثالية، لكن الصدق. ومش عدم وجود المشكلات، لكن وجود شخص يختار أن يبقى بجانبك رغم كل شيء.

 

ساعتها فقط يصبح الجواز أكثر هدوءًا، وأكثر نضجًا، وأكثر صدقً